Upper Egypt Employment Initiative – مبادرة تشغيل الصعيد

المبادرة دي مقدمة من جمعية اتصال أسيوط لتكنولوجيا المعلومات والهدف منها هو بناء مهارات 1000 شاب وفتاة من الطلبة وشباب الخريجين لتأهيلهم لسوق العمل سواء العمل من خلال أكثر من 50 شركة من الشركات أعضاء اتصال أسيوط في 9 محافظات (بني سويف – المنيا – أسيوط – سوهاج – قنا – الأقصر – أسوان – الوادي الجديد – البحر الأحمر) أو من خلال العمل عن بعد بالتعاون مع شركائنا في محافظات القاهرة والإسكندرية والمنصورة واللي عندهم أكثر من 1000 شركة عضو بتشتغل في قطاعات تكنولوجيا المعلومات والاتصالات المختلفة.

مين المستهدف من المبادرة ؟

1000 شاب وفتاة في الفئة العمرية من 18 إلى 35 سنة من أبناء محافظات الصعيد.

هستفاد إيه من المبادرة؟

أولا: هيتم توفير العديد من ورش العمل لبناء مهاراتك في موضوعات كتير زي:

MS Office Skills (Word – Excel – PowerPoint – Outlook)

Business English Skills

Presentation Skills

Communication Skills

Team Working Skills

CV Writing Skills

Interview Skills

Career Path

والورش دي جزء منها هيكون أونلاين وجزء تاني هيكون في مقر اتصال أسيوط وفي المحافظات طبقا للأعداد اللى هتقدم من كل محافظة وكل ورشة هتحضرها هيكون ليها شهادة حضور.

ثانيا: هيتم عمل دورات تدريبية متخصصة للي محتاج يشتغل على نفسه أكتر في مجال معين من ضمن المجالات المطلوبة من الشركات زي مثلا البرمجة أو تطوير المواقع وتصميم الجرافيك وهكذا ودي هتكون أونلاين من خلال زووم وهيكون ليها شهادات حضور طبعا.

ثالثا: هتحصل على كوبون خصم بقيمة 500ج على كل ورش العمل والكورسات الموجودة على موقع البوابة الإلكترونية لتكنولوجيا المعلومات والاتصالات التابعة لجمعية اتصال أسيوط واللى هتلاقي فيها تدريبات كتير متخصصة في مجالات (تكنولوجيا المعلومات والبيزنس وإدارة المشروعات والماليات والموارد البشرية والتسويق والتسويق الإلكتروني وغيرها)

وأخيرا: هيتم عمل لقاءات مع الشركات الأعضاء اللى عندها فرص تدريب Internship أو وظائف علشان يتم الإعلان عنها وإيه هي المتطلبات والشروط للالتحاق بها علشان نقدر نوفر عدد كبير من فرص التدريب وفرص العمل.

طب أقدر أشترك إزاي؟

علشان تشترك في المبادرة دي مجانا لازم تكون مشترك على موقع البوابة الإلكترونية لتكنولوجيا المعلومات والاتصالات بصعيد مصر Upper Egypt ICT Portal

وتدخل تملى الفورم الخاص بالمبادرة من خلال اللينك ده

طب لو انا مش مشترك أقدر أعمل اشتراك ازاي؟

هتملى الفورم عادي وبعد ماتخلص هيتم تحويلك على صفحة الاشتراكات

وتضغط على كلمة Sign up now وتسجل بياناتك وبعد كده هيتطلب منك تكلفة الاشتراك 150ج في السنة (والاشتراك هيكون معاك طول فترة المبادرة)

وهيتم التواصل معاك من فريق عمل اتصال أسيوط علشان نظبط المواعيد وبالتوفيق ان شاء الله

لو واجهتك أي مشكلة أثناء التسجيل أو عندك أي استفسارات تقدر تبعتلنا واتساب على الأرقام دي : 01067737621 – 01009845500

We are all close together

A lot of Services, Programs, Initiatives, and new projects are available for you
For all ICT Companies and Freelancers in Upper Egypt, don't hesitate to visit our Information center, we can benefit you.

Refund Reason